– دنیا دار حسرت و افسوس میں اس لیے مبتلا ہوگا کہ اس نے تکاثر کی دوڑ اور متاع غرور کی ہوس میں اپنی زندگی گنوا دی اور آخرت کے لیے کچھ نہ کرسکا-

– بعض دین دار اس لیے کف افسوس ملیں گے کہ انھوں نے جن غیر ضروری مسائل و مباحث میں خود کو اور امت کو الجھائے رکھا اور جن مقاصد کے لیے اپنی توانائیاں نچوڑ دیں، وہ خداوند متعال کو سرے سے مطلوب ہی نہ تھے-

ان کے خدا کو ان سے قلب کا گداز، اخلاق کی بلندی، زبان کی صداقت، کردار کی صلابت اور تقوی کے رنگ میں رنگی ہوئی معاشرت مطلوب تھی،لیکن ان کے دامن ان موتیوں سے خالی تھے-

وفقنا الله وإياكم